gkheidelberglogo

Gebeure FacebookIcon

Kliek op die storie naam hier onder om meer te sien. Om fotos in die stories te besigtig, kliek op 'n fototjie en 'n groter weergawe sal oopmaak.
 
Bydraes met fotos sal verwelkom word van enigeen by nuus@gkheidelberg.co.za.

“VET PRET” KLIPDRAAI KERKKAMP – 14-16 SEPTEMBER 2018

Vrydagmiddag na werk is meeste van ons spoedig oppad gewees na die Klipdraai karavaanpark in Meyerton. Daar aangekom was daar reeds ‘n paar van ons lidmate reg vir aksie met hul tente en waentjies opgeslaan – die opwinding was net te groot.

Ons het die kamp afgeskop met ‘n lekker ysbreker gelei deur Charl – elkeen moes hulself voorstel en sy/haar spirit animal beskryf waarna ons die diere so gou moontlik namekaar moes sê al in die rondte! Mens sou nooit kon raai dat kameelperde, visse en honde ook saam op die kamp was nie… Groot braaivleisvure het vir ons vleisies gewag en daarby kon ons smul aan Petro se beroemde pap en sous. Geen kampaand is volmaak sonder ‘n lied of twee nie – Elmarie het ons begelei met haar elektroniese klavier en bundel musiek rondom die kampvuur. Wat maak oom Kallie daar? Wat maak oom Kallie daar?...

Almal was lekker lui Saterdagoggend na ‘n koue nag in die kampeerterrein, maar nie te lank daarna het van die manne weggespring met die voorbereidings vir ons laat-middag brunch terwyl die ander manne agter die klein “tv-kassie” gesit en rugby kyk het. Groot was die gejuig toe die Springbokke die wedstryd wen!
Prof. Jorrie Jordaan het ons toegespreek oor sout van die aarde wees in die lapa by die swembad – saam kon ons lekker na die tyd daaroor gesels en het selfs bybelstudie materiaal gekry om huis toe te neem.

Net mooi toe almal soos wilde diere hygend in die skaduwee sit en afkoel van die hitte, het Esmari en Clemens ons kom besig hou met boersesport. Van rosyntjies spoeg en eier gooi tot dodgeball en drie-been resies: almal het lekker saam gelag en gespeel. Selfs die kinders het hul beurt gehad en hul goed van hul taak gekwyt. En daarmee saam is die hitte sommer vergete! Nee, moenie die rosyntjies op die grond in jou mond druk nie!!

Met ‘n warm kampvuur, stokbrood, en aartappel-en-mengelslaai het ons die aand gesellig weer om die vuur spandeer. Elmarie het haar trekklavier uitgehaal en ons het saam haar die musiekbundel vir ‘n tweede keer deurgewerk – hierdie keer met meer bravade. Daar is darem maar niks soos ‘n warm vuur om ‘n mense bymekaar te bring nie.
Ons kon die kerkkamp afsluit met ‘n erediens gelei deur Prof. Jordaan waarna ons lekker bederf is met koekies en tee. Wat ‘n uitstekende kamp was dit nie gewees nie!
Baie dankie aan elkeen wat saam gereel het en ook saam gekuier het – volgende jaar doen ons dit weer!

Moet dit nie misloop nie…
20. Toeskouers
9. Die manne werk hard
14. Rosyne spoeg 1
1. aankoms en kampterrein
8. Charles help ook met ontbyt
26. Kuier
7. Casper braai spek
13. Die dames kuier aan die ander kant
29. Dodgeball 2
15. Rosyne spoeg 2
30. Dames maak slaai
3. Beskuit Saterdagoggend
21. Albert vang 'n eier
32. Kuier
5. Kyk hoe lekker kuier ons
11. Prof Jordaan spreek ons toe
22. Elmarie vang 'n eier
31. Charl pak hout
12. Die manne kuier eenkant
10. Geselsies
18. Rosyne spoeg 5
28. Dodgeball 1
19. ROsyne spoeg 6
17. Rosyne spoeg 4
23. Charl vang 'n eier
16. Rosyne spoeg 3
27. Kuier
24. Danie vang 'n eier
2. Charl behartig die ysbreker
6. Lui lekker Saterdagoggend
4. Jong manne wil gaan visvang
33. Kinders braai stokbrood
25. Kinders speel saam